Hoxe tivemos a sorte de ser os protagonistas do noso programa de radio: Tarabelo nas ondas.
Ao longo da última semana do mes de outubro, o alumnado de 6º estivo a traballar no guión, gravación e edición do mesmo.
Agardamos disfrutedes do noso traballo.
Aquí vos deixamos a transcrición do programa.
Se queredes escoitalo acudide ao blog O Tarabelo, concretamente ao seguinte enlace.
Hoxe foi día de celebración. Na nosa escola estivemos a gozar do día de Samaín e Magosto por partida dobre.
Comezamos na aula con lendas terroríficas que estamos a convertir en cómic, xa veredes os resultados.
Continuamos con manualidades vampíricas.
E... rematamos con festa, baile, desfile, bebida e, por suposto, castañas.
Non todos quixeron sair nas fotos. Aquí vos deixamos a que poidemos conseguir. Agardamos disfrutedes delas.
Comezan a chegar cabazas á escola, e os nenos e nenas de 6º colaboran coa decoración de Samaín.
Mirade as marabillas que trouxeron hoxe:
Xa nos tardaba este momento e por fin hoxe fíxose realidade.
Ao igual que anos anteriores, aínda que en condicións diferentes, a nosa mascota de biblioteca, Lecturitas, achegouse á nosa aula para propoñer o novo reto do presente curso.
Contounos as súas aventuras durante o verán e achegounos ao mundo da banda deseñada, en concreto pediu axuda para coñecer a unha pequena personaxe chamada MAFALDA, quen formará parte do noso sexto curso dende agora ata o final.
Preparad@s? Comezamos!
No día de hoxe tivo lugar o acto de entrega do premio Contádenos o Voso Día das Letras de Luísa Villalta convocado pola Real Academia galega ao abeiro do proxecto dixital Primavera das Letras.
A RAG premiou ao noso centro e estamos moi orgullosos do traballo realizado.
O alumnado de sexto acudiu á entrega e formou parte do acto a través da representación do noso compañeiro Gabriel.
Hoxe, como cada ano, recibimos a especial visita da nosa orientadora Lucía e o seu inseparable Potato.
Veu recordarnos as funcións da orientación nunha escola, a amosarnos que está aquí para axudarnos, a recordarnos pequenas aprendizaxes case esquecidas (aperta de bolboreta, por exemplo)e a compartir con nós un álbum ilustrado que ten moito que dicir e aportar as nosas vidas.
Hoxe celebramos xunto co noso compañeiro Adriano o segundo aniversario dende o inicio do novo curso.
Moitos parabéns amigo!
Hoxe na sesión de plástica coñecemos a Miguel Ángel Buonarriti, autor da Capilla Sixtina. Foi un descubrimento interesante xa que aprendemos sobre a súa vida e obra e puxemos en práctica, vivindo en primeira persoa, o seu traballo na igrexa do Vaticano.
Parecía doado, pero non foi así 😏
