Vamos saír adiante

Estamos vivindo un momento difícil. Pero estamos seguros de que pasará e saberemos superalo. Debemos animarnos e tratar de animar e apoiar aos demais.

En Valores fixemos un mural coas nosas mensaxes de ánimo.

PLAN DE TRABALLO: SEMANA 30 DE MARZO

Xa está listo o Plan de Traballo para a semana do 30 de marzo.
Ó igual que a semana pasada, iredes recibindo, a través do voso correo electrónico, as distintas tarefas da semana.
Fixádevos na temporalización  e intentade respectala.

Ánimo que so queda unha semaniña!!

Relacionado co traballo desta semana, aquí vos deixo esta imaxe:

PASATEMPOS E ENREDOS

Esta semana traballastes moito e ben!!
Agora para divertirse se queredes tedes tarefas para pasar o tempo.
Tedes en Classroom unha divertida proposta de pasatempos.
E para a semana haberá máis.

PLAN DE TRABALLO: SEMANA DO 23 DE MARZO

Xa está listo o Plan de Traballo para a semana do 23 de marzo. En breve iredes recibindo, a través do correo electrónico, as tarefas para a semana.
Lembrade que é importante respectar a temporalización que se propón, ir realizando as tarefas día a día.
Visualizade o seguinte vídeo, está relacionado con algunha das actividades que faremos:

Os contidos e tarefas estarán dispoñibles a través das seguintes plataformas:

PLAN DE TRABALLO: SEMANA DO 16 DE MARZO

Aquí tedes un resumo do Plan de Traballo para a semana do 16 de marzo de 2020.
As notificacións dos contidos e actividades recibirédelas a través do correo electrónico e realizaranse a través de Classroom e Aula Planeta.
Pica na imaxe para acceder ao plan semanal.

PLAN DE TRABALLO POLA SUSPENSIÓN DAS CLASES

Aínda que estamos nunha situación que non nos permite vernos día a día no colexio, seguiremos traballando telematicamente. A través do correo electrónico seguiremos comunicándonos.

Traballaremos de xeito moi parecido a como xa o viñamos facendo na aula nestes dous últimos cursos: utilizando Aulaplaneta, Google Apps (blogue, Drive,...) e a Aula Virtual de Santillana.

Para facilitarvos o traballo empregaremos Google Classroom e así visualizaredes mellor os contidos e tarefas. Recibiredes no correo electrónico de sadaycontornos.es unha invitación para unirse ás clases e tarefas que eu comparta con todos vós. Accedendo a través de Classroom xa poderedes visualizar o contido e realizar as tarefas propostas.

En principio compartirei un plan de traballo semanal pero que deberedes realizar temporalizado día a día, tal e como se vos especifica.

Seguro que esta situación rematará axiña e logo poderemos vernos e seguir compartindo as clases no colexio. Ánimo a todos!

Mulleres de Sada: a nosa profesora Mª Luisa Ricoy

No pleno infantil que se celebrou no mes de decembro, unha das propostas dos nenos e nenas do noso curso foi: "Facer un recoñecemento anual dunha muller de Sada polo seu labor, por exemplo: no ensino, na medicina, na axuda aos demais…".
O Concello de Sada recolleu a nosa proposta e elixiu recoñecer o labor da que foi profesora do noso colexio Mª Luisa Ricoy Lamas.
Na web do Concello abriuse un apartado dedicado ás "Mulleres de Sada" e nese espazo figura Luisa. Os xornais recolleron esta importante nova en Sada:
La Opinión.
La Voz de Galicia.
Luisa xubilouse a finais do curso pasado e nós lembrámola con moito agarimo. Segue vindo polo colexio e ata ten un cromo no álbum de cromos do proxecto de igualde que estamos realizando neste curso.

A súa pegada permanecerá para sempre no noso colexio.
Recollimos algunhas imaxes dela nun pequeno álbum de fotos.
Para ver as fotos pica na imaxe