Actividade de voluntariado: eliminación de especies exóticas invasoras.

Dentro do marco da campaña de sensibilización sobre especies exóticas invasoras nas Reservas de Biosfera de Galicia “No seu lugar”, executada polo CEIDA co apoio da Fundación Biodiversidad, realízase unha campaña de voluntariado dirixida a centros educativos e ao público xeral para a realización de actividades demostrativas e divulgativas de erradicación de plantas exóticas no territorio das Reservas.
Na Reserva de Biosfera Mariñas Coruñesas e Terras do Mandeo plantéxase a retirada da sempreviva Helichrysum petiolare. Esta planta está a estenderse a grande velocidade afectando á vexetación autóctonas das zonas acantiladas do Monumento Natural Costa de Dexo, en Oleiros.
O alumnado de 5º e 6º cursos de Educación Primaria eliminaron de maneira os brotes de sempreviva presentes en zonas despexadas de vexetación. Desde o CEIDA facilitaranse luvas e bolsas, así como auga e un almorzo a base de froita.
Sen dúbida unha boa acción na conservación do medio ambiente.
Clica na imaxe para ver as fotos da actividade

Comentarios

Entradas populares de este blog

25 de novembro - Que ninguén afogue o teu corazón

Hoxe, 25 de novembro, conmemoramos no noso centro o Día Internacional para a Eliminación da Violencia contra a Muller , unha data na que lembramos a importancia de seguir loitando por unha sociedade máis xusta, igualitaria e libre de agresións. É un día para visibilizar , concienciar e, sobre todo, educar no respecto e na igualdade. Este ano, dentro do noso PDI Maresada , escollemos un lema moi especial: “Que ninguén afogue o teu corazón” Unha frase que une perfectamente o tema do mar coa idea de protexer aquilo que nos fai únicas e valiosas: os nosos sentimentos, a nosa liberdade e a nosa dignidade. Igual que o mar pode ser calma ou tempestade, tamén as relacións humanas poden ser espazo de coidado… ou de violencia. Por iso é tan importante aprender a recoñecer que ninguén debe nunca “afogar” a nosa voz, a nosa alegría nin o noso corazón. Ao longo desta semana, o alumnado realizou os seus propios carteis individuais antes de coñecer o mural colectivo: Diseño de Fatima...

Desexámosche o mellor Iovanna!

Hoxe é un día especial, a nosa mestra Iovanna remata a súa labor docente na nosa aula. Pois si que tivo paciencia con nós!!! O alumnado de 6º curso desexámosche o mellor na túa andaina polo mundo da docencia, ese que dá tantas alegrías. A pesar diso, quedamos algo tristes pola súa partida xa que: As tarefas que ela nos enviaba eran as mellores ! ;) Gracias Iovanna por axudarnos a ser mellores, e a corrixir os nosos pequenos erros. Grazas pola túa axuda, apoio e comprensión en todo momento! Como a cousa vai de cualificacións, nós tamén queremos que te gradúes cun SB de profe con maiúsculas. Hoxe estamos de celebración pero mañá voltamos para ensinarvos algúns fotiños emotivas!.

Obradoiro de tapices con Mar Fraga

Esta semana tivemos a sorte de participar nun obradoiro moi especial de creación de tapices con redes mariñeiras , unha actividade organizada no marco das propostas educativas da Reserva da Biosfera “Mariñas Coruñesas e Terras do Mandeo” . O obradoiro estivo guiado pola artista e artesá de Enmalle Studio (Oleiros) , Mar Fraga , responsable dun espazo no que se recuperan redes mariñeiras en desuso para darlles unha segunda vida converténdoas en tapices decorativos . Esta proposta artística combina arte téxtil, artesanía, escultura e sustentabilidade, e pon en valor materiais ligados directamente á cultura mariñeira da nosa contorna. Durante a actividade, o alumnado aprendeu a traballar con estas redes recuperadas , explorando técnicas de intreccio e creación de texturas. Foi sorprendente ver como simples retallos e nudos transformábanse en pezas cheas de cor, movimiento e sentido! Ademais de desenvolver a creatividade, tamén re...

sexteandosada

Buscar este blog