Descobren restos dunha antiga embarcación preto da Illa Pancha

Descobren restos dunha antiga embarcación preto da Illa Pancha

Aparecen en Ribadeo restos dunha antiga embarcación pola baixada drástica da marea

Restos da embarcación atopada

MARTÍN PIÑEIRO, ENZO FERNÁNDEZ E ROI CABRERA

A tarde de onte na Illa Pancha (Ribadeo) parecía ser do máis normal, con paseantes, turistas e incluso algún afeccionado ou afeccionada á pesca. Porén, cara última hora, arredor das 20:00, a marea comezou a baixar con forza, deixando á vista unha especie de embarcación posiblemente pertencente ao século XIX.

Os presentes comentaron que nunca viran algo tan estraño no mar e pensaron que Manuel Fernández era a persoa indicada para investigalo. Manuel falou cun científico chamado Marcos Varela, que explicou que este tipo de sucesos ocorren moi poucas veces, quizá unha vez cada 100 anos.

Pola mañá seguinte observaron que no barco había símbolos estraños. Non sabían que significaban, pero ao buscalos en Google descubriron que pertencían a un capitán moi famoso chamado José Castro. Ademais, tamén se atoparon diamantes, cobre e un cadro bastante estraño con letras gregas. Todo iso será gardado xunto cos restos da embarcación nun museo que, segundo declarou o alcalde, Daniel Veiga, se construirá ao lado do faro e levará por nome “O Mega Museo de Manolo e os Pescadores”. Veiga afirmou que “Manolo Fernández vai ser unha persoa moi importante na historia da Illa Pancha”. Pola súa parte, o fareiro, Antón Meilán, comunicou que lle gustaría ir canto antes ao museo. As autoridades engadiron que os visitantes “non esquecerán esta curiosa e estraña historia”.