sexteandosada

  No día de hoxe estivemos toda a mañá na fábrica de Sargadelos disfrutando dunha visita guiada e un obradoiro artístico que sacou a relucir o noso potencial e creatividade. Sen dúbida repetiríamos experiencia.  Facendo clic na seguinte imaxe, podedes ver todas as fotos da nosa visita. 

  Como non pode ser doutro xeito, hoxe celebramos o día da nosa Rosalía.  Desta vez, o alumnado de 6º creamos unha poesía titulada Que diría Rosalía?. Nela reflectimos diferentes inxustizas sociais como símbolo do noso rexeito a elas dende a posible voz de Rosalía, poeta, escritora e muller denunciante e reivindicativa a prol da igualdade, a paz, a non violencia e a convivencia pacífica. 

  Día moi divertido e teatral.  Gozamos dunha representación en inglés titulada What monster? realmente simpática, divertida e chea de sorpresas. Unha das protagonistas (sen esperalo) foi a nosa compañeira Silvia que fixo un moi bo papel. Podedes comprobalo nos seguintes vídeos (jajajaja). Un forte aplauso para ela.  E na seguinte imaxe, máis e máis fotos.

  Día de festa e celebración. Así de guap@s e picassianos desfilamos hoxe pola nosa localidade ao ritmo de música de entroido. Vaia cuadros estamos feit@s! Se queredes ver máis no deixedes de clicar na imaxe. 

  Hoxe tocou xornada de arte e convivencia.  Os nenos e nenas de 6º de EP e 6º de EI saíron xuntos para poder debuxar por parellas a escultura de Jorge Peteiro que temos preto da nosa escola. Xa veredes os resultados deste proxecto colaborativo. Unha experiencia para repetir (comprobádeo facendo clic na seguinte imaxe)

 O alumnado de 6º participou hoxe nunha sesión online sobre un uso de internet con seguridade, concretamente estivemos a traballar para detectar o fraude nos videoxogos e evitar así riscos innecesarios.