Nadal 6º (Esperando a chegada do 2023)

 

Finalizamos primeiro trimestre e como non pode ser doutro xeito, estivemos de celebración de nadal.

Sesión de cinema con palomitas 

Patio divertido e compartido

Visita aos Reis Magos con entrega de fermosas postais 

Chocolatada e campanadas fin de trimestre

Amigo Invisible

Como podedes observar un dia repleto de ledicia, emocións, diversión...

Facede clic sobre o elfo "Selfie" e teredes acceso a todas as fotos do nadal da escola"

FUNDACIÓN Mª JOSÉ JOVE

 Hoxe fixemos unha saída escolar á fundación Mº Jove para disfrutar da súa actividade: Retrato das Emocións. 

Estivemos encantados de viaxar xuntos no autobús e rir sen parar coas cantigas de sempre.

A visita resultounos curta pero interesante.

Foto de grupo para comezar.

Entrando na sala para coñecer a súas obras.

Probando a cambiar as emocións das obras a través da cor.

Máis fotos facendo clic na seguinte imaxe.

CRE-ARTE: PINTURA

 

Hoxe chegou o noso momento de amosar a toda escola o noso traballo de todo o trimestre. Como ben sabedes estamos a desenvolver un proxecto de arte na nosa escola e comezamos coa PINTURA.

Os nenos e nenas de 6º decidimos centrarnos en arte modernista: por art, cubismo, surrealismo... e tras moita investigación e estudo creamos fermosas obras como as que podedes ver a continuación.

Para disfrutar de moitas máis fotos, facede clic sobre a paleta.

E para poder vernos en acción como verdadeiros guías de museo...

15/12/2022 ANIVERSARIO CAROLINA

 

Enki: Corre por un mundo imperfecto

 

Co obxectivo de conmemora o día 3 de decembro (Día da diversidade Funcional) a nosa escola sumouse a unha proposta da fundación Abrente (Enki proxecto) a prol dunha sociedade mellor, onde o respecto á diversidade é a premisa principal.

Así, preparamos unha proba lúdica e non competitiva no que o noso alumnado tería que afrontar retos atendendo a posibles limitacións: discapacidade visual, auditiva, motora... e así decatarse de que todo é posible se somos un equipo e o bo trato é a nosa filosofía de vida.

Foi unha experiencia xenial, disfrutamos e aprendemos xuntos. Sen dúbida para repetir. 

A máquina do Tempo

 

Este ano voltamos a formar parte do colexio do Benquerer, un programa de educación afectivo-sexual baseado no bo trato, a confianza, o respecto, a diversidade e o pensamento crítico que nos ofrece actividades adaptadas á nosa idade e de interese para a vida.

Hoxe comezamos coa primeira, baixo o título "A máquina do tempo" e aprendemos sobre os cambios que se producen na adolescencia nos homes, nas mulleres e en ambos (aqueles cambios comunes) xa que estamos a medrar moi rápido e precisamos saber que todo o que acontecerá é normal e non supón ningún tipo de vergoña.

Proxecto Memoria

 

Hoxe tivemos a oportunidade de participar na actividade Proxecto Memoria no que, na man dun narrador oral, coñecimos a catro veciñas de Sada que falaban do seu pasado na nosa vila.

Aprendemos sobre os seus xogos, as súas familias, as diferenzas da súa vida en comparación coas nosas...

Comprendemos que é importante dar valor aos nosos maiores, ao moito que teñen por ensinarnos e contarnos. As historias de vida poden marcar a nosa propia para sempre.

SAMAÍN/MAGOSTO NA ESCOLA

 

 

Esta mañá disfrutamos sen dúbida dunha celebración moi divertida na nosa escola.

Depois dos tempos de pandemia, por fin poidemos xuntarnos, abrazarnos...SER LIBRES.

Mirade o guapos e guapas que estabamos.

Por se o queredes saber, e non con intención de trasladarvos envexa..., aquí vos deixamos as nosas actividades de hoxe:

1. Compartimos cos nosos titorizados unha creación artística con elementos de outoño baseada na obra de Arcimboldo. Quedáronos cadros tan fermosos como este.

2. Tivemos máis tempo de patio no que puidemos danzar e xogar ao ritmo da música, comer castañas e beber zume con todos os compañeiros e compañeiras de todo o centro.

3.Participamos no photocall do Samaín (con fotos ben simpáticas).

4. Xa de volta nas aulas, continuamos cunha pouca máis de festa para rematar.

Un Día Inesquecible.

Se queredes ver máis fotos, facede clic sobre as cámaras.

27/10/2022 ANIVERSARIO JULIA

 

Lume aos ESTEREOTIPOS

 

Hoxe na clase de Valores estivemos a falar sobre estereotipos e prexuizos, dúas accións, actitudes... que poden ocasionar importantes problemas na sociedade. 

Investigamos sobre as súas diferenzas e similitudes, puxemos exemplos ao respecto...

Incluso detectamos algúns que nós mesmos tiñamos ou sufrimos nalgún momento. 

E, xa convencidos, decidimos montar a nosa propia queima deles. 

Presentación Departamento de Orientación

 

Como cada ano, Lucía, a nosa orientadora, acudiu a nosa aula para presentarse ao alumnado novo e recordarnos a todos e todas a súa función na escola e como pode axudarnos no noso día a día.

Estivemos moi atentos, respostamos ben as preguntas e fixemos outras moitas. Somos unha clase moi participativa e faladora. 

Que non se nos esqueza decirvos que Lucía chegou acompañada de Potato ao que, extrañamente, saíronlle ás de bolboreta para poder narrarnos a historia de Adrián, un neno que aprendeu a aceptarse tal e como é.

Máis Cabazas

 

Chegaron máis cabazas á nosa exposición. Grazas Awa, Carlos, Xoel, Sofía, Vera e Asier por axudar a que a nosa escola estea terrorífica para esta celebración.

SODES UNS ARTISTAS!

Primeiros Auxilios

 Nesta escola estamos convecidos de que a educación vai moito máis aló das aprendizaxes do currículo, así que, hoxe poidemos aprender sobre accións que poden salvar a vida dunha persoa. 

Aprendemos sobre:

1. Pasos a seguir en caso de emerxencia.

Está vostede ben? Oiga? Escoitame?

Comprobando se hai constantes vitais (pulso, respiración...)

2. Aprendemos sobre como por a unha persoa en posición lateral de seguridade á espera da chegada dos profesionais sen danar e de xeito correcto. 

3. RCP (en adultos, nenos e nenas e incluso en bebés)

Foi unha moi boa formación que estamos dispostos a seguir perfeccionando. 

BO TRABALLO

CHEGA O SAMAÍN

 

Hoxe chegou a nosa aula a primeira cabaza de Samaín para decorar a nosa escola nesta conmemoración terrorífica. 

Grazas Lola pola túa aportación. Agardamos, en breve, ter máis e máis cabazas.

REPASANDO Nº ROMANOS EN GYMKANA

 

A sesión de matemáticas de hoxe foi un tanto especial. Co obxectivo de repasar a numeración do romana, levamos a cabo un gymkana por equipos na que tivemos que:

1. Localizar as probas a realizar a través de pistas dadas (había que moverse pola escola sen correr e sen falar).

2. Resolver cada proba en equipo (xuntos).

3. Comprobar coa mestra a correcion da proba resoltar.

4. Selar a pista xa conseguida e recoller a peza do crebacabezas correspondente.

5. Xa resoltas todas as probas e recollidas todas as pezas, montar e colorear o crebacabezas.

6. FIN DO XOGO

TEÑO QUE DARVOS A NORABOA POLO VOSO TRABALLO E COMPORTAMENTE DURANTE A ACTIVIDADE. ESTOU ORGULLOSA DE QUE ESTIVERADES POLO CENTRO SEN QUE SE NOTASE E NA AULA VIN TRABALLO EN EQUIPO, SEN BERROS, SEN ACUSACIÓNS...  FAIME MOI FELIZ VERVOS TRABALLAR ASÍ.