A última actividade deste curso, contemplada no Programa Educando na Biosfera, desenvolveuse en Betanzos. Permitiunos por en valor e coñecer recursos patrimoniais, culturais e etnográficos do territorio da Reserva de Biosfera, neste caso o Casco histórico de Betanzos. Ademais do interesante da visita, puidemos afondar no traballado na aula en relación ó patrimonio. Moitas grazas a Jose, que foi un gran guía e fixo que a visita fose moi interesante.
Premede na imaxe para ver outras.
Hoxe participamos na actividade de Cestería, dentro do Programa Educando na Biosfera, onde coñecemos a artesanía tradicional empregando papel de xornal. Relacionámolo, deste xeito, coa reciclaxe e o coidado do medio ambiente.
Hoxe, dentro do Programa Navega con Rumbo, o alumnado do terceiro ciclo tivemos unha charla informativa centrada no uso responsable da Internet entre o alumnado, así como na prevención do ciberacoso e outros riscos derivados dun mal uso.
Na edición do Tarabelo das ondas para o Día das Letras Galegas, Ainara e Carlos realizaron unha entrevista a Óscar Sánchez e María Berrocal (pai e mestra de 6º curso respectivamente), ambos os dous exalumnos de Luísa Villalta, autora homenaxeada este ano. Parabéns a todos pola entrevista.
Premede na imaxe para escoitar o audio.
Con motivo da celebración do Día das Letras Galegas, no centro organizouse un festival no que o alumnado de 6º puidemos representar, de novo, a obra Violino, inglesa e o libro xigante, escrita por Xoán Babarro e Ana María Fernández, relacionada coa vida de Luísa Villalta.
Fixestes un gran traballo. Moitos parabéns!
Dentro do Programa Educando na Biosfera participamos nun obradoiro lúdico e educativo, no que coñecemos xogos tradicionais elaborados con elementos naturais ou reciclados. Pasámolo xenial!
Co gallo da celebración do Día das Letras Galegas, a Asociación de Escritoras e Escritores en Lingua Galega, en colaboración coa Deputación da Coruña, desenvolveu diversos obradoiros. No noso caso visitounos a escritora Eva Teixeiro, coa que afondamos un pouco máis na obra de Luísa Villalta.
Preme na imaxe para ver a actividade
Tal e como se recolle na concreción curricular do centro, continuamos co desenvolvemento, de xeito progresivo, de robótica e con unha proximación á programación.
Premendo nas imaxes podemos acceder ás fotografías das actividades desenvolvidas:
Hoxe, dentro do Proxecto ANCAS e co obxectivo de establecer un Camiño Escolar Seguro, convertímonos en detectives da mobilidade. No noso percorrido por parte da Avenida do Porto, puidemos observar e analizar as deficiencias do mesmo para, posteriormente, trasladar ó Concello.
No segundo trimestre comezamos a coñecer e traballar a vida e obra de Luísa Villalta a través de diferentes actividades. A continuación, podemos ler os nosos cómics relacionados con algún aspecto da súa biografía.
