Co gallo do noso proxecto anual VIÑETAS dende SADA, os alumnos e alumnas de sexto seguimos a traballar sobre MAFALDA.
Desta vez, investigamos non so sobre ela, senón sobre as súas amizades e descubrimos cousas moi curiosas.
Incluso chegamos a identificarnos coas personaxes e pasamos un moi bo rato facendo comparacións e descricións.
O traballo final foi a creación deste fermoso mural artístico.
Como cada ano, hoxe conmemoramos o 25 N porque dende a nosa aula rexeitamos todo tipo de violencia e cada día somos máis conscientes das situacións que se viven na nosa sociedade.
Gustaríanos cambiar a historia, o rumbo... e que mellor xeito que a educación? Nós somos o futuro e buscamos que estea libre de calquera indicio.
Hoxe Breixo e Joao recibiron o seu diploma por participar na dinámica Palabreando do EDLG.
Dende 6º estamos moi orgullosos deles polo seu traballo.
Seguide participando que, de seguro, vos cae algún premio.
NORABOA!!
Hoxe tivemos a sorte de ser os protagonistas do noso programa de radio: Tarabelo nas ondas.
Ao longo da última semana do mes de outubro, o alumnado de 6º estivo a traballar no guión, gravación e edición do mesmo.
Agardamos disfrutedes do noso traballo.
Aquí vos deixamos a transcrición do programa.
Se queredes escoitalo acudide ao blog O Tarabelo, concretamente ao seguinte enlace.
