Participamos no pleno infantil do Concello de Sada

Os nenos e nenas de 6º curso participamos no Pleno Infantil do Concello de Sada xunto cos de 5º.

Cecilia presidiu a sesión e os concelleiros e concelleiras que representaron ao noso curso foron: Karla, Manuel, Martina, Roi, Samuel, Adrián, Cristina e Antía.

As propostas que elaboramos en 6º e presentamos no pleno foron:

RECOÑECEMENTO DE MULLERES DE SADA E A SÚA CONTORNA.

Dar a coñecer os traballos máis comúns que realizaban antigamente as mulleres e os que fan na actualidade a través dun traballo expositivo e comparativo.
Facer un recoñecemento anual dunha muller de Sada polo seu labor, por exemplo: no ensino, na medicina, na axuda aos demais…
Poñer ás rúas nomes de mulleres importantes de Sada ou escribir no chan do porto de Sada, como xa hai algúns postos, os nomes e as mans de mulleres destacables en Sada.
Organizar unha festa para as mulleres da vila e facer unha escultura na súa honra nun lugar da vila.

ACCESIBILIDADE, MOBILIDADE OU MELLORAS NA NOSA ESCOLA

Colocar na entrada á biblioteca, dende o patio, unha rampla desmontable (de poñer e sacar) para facilitar a entrada ás persoas en cadeira de rodas.
Dotar dalgún produto antideslizante o chan do ximnasio para evitar os esvaramentos que se están a producir.
Suprimir o chanzo da entrada principal ao colexio (onde está a cancela de ferro). Habería que eliminar o actual desnivel entre a beirarrúa e a entrada ó centro. Este dificulta á entrada ás persoas en cadeira de rodas; con carriños de bebés etc..
Reparación da beirarrúa da Avda. Sada y sus Contornos que dá acceso ó colexio, pola parte de arriba, e que se atopa en mal estado.

Clicando nas imaxes podedes ver as fotos e o vídeo do Pleno.

Comentarios

Entradas populares de este blog

Desexámosche o mellor Iovanna!

Hoxe é un día especial, a nosa mestra Iovanna remata a súa labor docente na nosa aula. Pois si que tivo paciencia con nós!!! O alumnado de 6º curso desexámosche o mellor na túa andaina polo mundo da docencia, ese que dá tantas alegrías. A pesar diso, quedamos algo tristes pola súa partida xa que: As tarefas que ela nos enviaba eran as mellores ! ;) Gracias Iovanna por axudarnos a ser mellores, e a corrixir os nosos pequenos erros. Grazas pola túa axuda, apoio e comprensión en todo momento! Como a cousa vai de cualificacións, nós tamén queremos que te gradúes cun SB de profe con maiúsculas. Hoxe estamos de celebración pero mañá voltamos para ensinarvos algúns fotiños emotivas!.

25 de novembro - Que ninguén afogue o teu corazón

Hoxe, 25 de novembro, conmemoramos no noso centro o Día Internacional para a Eliminación da Violencia contra a Muller , unha data na que lembramos a importancia de seguir loitando por unha sociedade máis xusta, igualitaria e libre de agresións. É un día para visibilizar , concienciar e, sobre todo, educar no respecto e na igualdade. Este ano, dentro do noso PDI Maresada , escollemos un lema moi especial: “Que ninguén afogue o teu corazón” Unha frase que une perfectamente o tema do mar coa idea de protexer aquilo que nos fai únicas e valiosas: os nosos sentimentos, a nosa liberdade e a nosa dignidade. Igual que o mar pode ser calma ou tempestade, tamén as relacións humanas poden ser espazo de coidado… ou de violencia. Por iso é tan importante aprender a recoñecer que ninguén debe nunca “afogar” a nosa voz, a nosa alegría nin o noso corazón. Ao longo desta semana, o alumnado realizou os seus propios carteis individuais antes de coñecer o mural colectivo: Diseño de Fatima...

Personaxes máxicas

Hoxe aprendemos a utilizar unha ferramenta moi especial de Canva chamada Multimedia Máxica . Trátase dunha función que emprega intelixencia artificial para crear imaxes a partir das nosas palabras. O funcionamento é moi sinxelo: nós escribimos unha descrición —por exemplo, “un dragón azul con ás douradas voando sobre unha cidade futurista” — e Canva xera unha imaxe que se parece moito a esa escena. Para probalo, seguimos estes pasos: Abrimos un deseño novo en Canva: pode ser unha presentación, unha folla en branco ou calquera outro formato. No menú da esquerda buscamos a opción “Multimedia Máxica” . No cadro de texto que aparece, escribimos a nosa descrición. Por exemplo: “unha rapaza aventureira cunha capa vermella e un mapa na man” . Facemos clic en “Xerar” e Canva crea a imaxe correspondente ás palabras que escribimos. Esta ferramenta funciona grazas á intelixencia artificial xerativa , que aprendeu a relacionar palabras con imaxes. Cando escribimos un texto, o s...

sexteandosada

Buscar este blog