Comunicación Asertiva ( Escola do Benquerer)

1º Proxectamos na pantalla interactiva da aula situacións coma a que deixo a continuación:

2º Realizamos debates en parellas, logo en grupos cooperativos de 4/5 persoas e finalmente expoñemos as conclusións en gran grupo

Preme para ver o vídeo e reflexionar sobre a comunicación asertiva, así o fixemos nós:

Deixámosvos aquí unha mostra das claves que aprendemos para dicir que non de forma asertiva:

✓ Verbalízao: dicir que non de maneira clara e firme.

✓ Arguméntao: explica o teu motivo para dicir que non (pode ser tamén un non temporal “Agora non podo, pero máis adiante...”).

✓ Fala das emocións: se a proposta che da medo, non te sentes cómodo ou cómoda, ou che preocupa algo sobre a mesma... tes que transmitilo.

✓ Usa frases cortas e directas. Estás expoñendo o teu punto de vista, non xustificándote.

✓ Interpela a outra parte antes de expor as túas necesidades: “Entendo (que ti queiras X, que ti fagas X, a túa posición... pero eu...”.

✓ Escoita activamente o que a outra parte teña que responder.

✓ Usa un ton de voz e unha postura corporal axeitada: fala de maneira convincente e rotunda (que amose que non vas cambiar de opinión ante a presión), mirando aos ollos, cunha postura relaxada. Lembra que estás no teu dereito a dicir non.

✓ Algunhas frases que axudan: o Síntome... o Entendo que ti... pero eu... o Cando pasou... eu sentinme... e gustaríame que fixeras...Pola miña parte, eu comprométome a... o Eu creo/ Eu opino o Gustaríame que.. o Quero que...

✓ Finalmente, lembra que, a pesar de todos os recursos e bo facer

ue teñas, pode ocorrer que a outra persoa continúe usando un ton elevado ou comportándose de maneira agresiva. Nestes casos, hai que saber ter estratexias alternativas, e abandonar a conversa unha vez exposto o teu punto de vista pode ser unha.

Comentarios

Entradas populares de este blog

Desexámosche o mellor Iovanna!

Hoxe é un día especial, a nosa mestra Iovanna remata a súa labor docente na nosa aula. Pois si que tivo paciencia con nós!!! O alumnado de 6º curso desexámosche o mellor na túa andaina polo mundo da docencia, ese que dá tantas alegrías. A pesar diso, quedamos algo tristes pola súa partida xa que: As tarefas que ela nos enviaba eran as mellores ! ;) Gracias Iovanna por axudarnos a ser mellores, e a corrixir os nosos pequenos erros. Grazas pola túa axuda, apoio e comprensión en todo momento! Como a cousa vai de cualificacións, nós tamén queremos que te gradúes cun SB de profe con maiúsculas. Hoxe estamos de celebración pero mañá voltamos para ensinarvos algúns fotiños emotivas!.

25 de novembro - Que ninguén afogue o teu corazón

Hoxe, 25 de novembro, conmemoramos no noso centro o Día Internacional para a Eliminación da Violencia contra a Muller , unha data na que lembramos a importancia de seguir loitando por unha sociedade máis xusta, igualitaria e libre de agresións. É un día para visibilizar , concienciar e, sobre todo, educar no respecto e na igualdade. Este ano, dentro do noso PDI Maresada , escollemos un lema moi especial: “Que ninguén afogue o teu corazón” Unha frase que une perfectamente o tema do mar coa idea de protexer aquilo que nos fai únicas e valiosas: os nosos sentimentos, a nosa liberdade e a nosa dignidade. Igual que o mar pode ser calma ou tempestade, tamén as relacións humanas poden ser espazo de coidado… ou de violencia. Por iso é tan importante aprender a recoñecer que ninguén debe nunca “afogar” a nosa voz, a nosa alegría nin o noso corazón. Ao longo desta semana, o alumnado realizou os seus propios carteis individuais antes de coñecer o mural colectivo: Diseño de Fatima...

Personaxes máxicas

Hoxe aprendemos a utilizar unha ferramenta moi especial de Canva chamada Multimedia Máxica . Trátase dunha función que emprega intelixencia artificial para crear imaxes a partir das nosas palabras. O funcionamento é moi sinxelo: nós escribimos unha descrición —por exemplo, “un dragón azul con ás douradas voando sobre unha cidade futurista” — e Canva xera unha imaxe que se parece moito a esa escena. Para probalo, seguimos estes pasos: Abrimos un deseño novo en Canva: pode ser unha presentación, unha folla en branco ou calquera outro formato. No menú da esquerda buscamos a opción “Multimedia Máxica” . No cadro de texto que aparece, escribimos a nosa descrición. Por exemplo: “unha rapaza aventureira cunha capa vermella e un mapa na man” . Facemos clic en “Xerar” e Canva crea a imaxe correspondente ás palabras que escribimos. Esta ferramenta funciona grazas á intelixencia artificial xerativa , que aprendeu a relacionar palabras con imaxes. Cando escribimos un texto, o s...

sexteandosada

Buscar este blog