Investigamos a Magritte

Antes de comezar a experimentar coas técnicas de René Magritte, en 6ºA estivemos facendo unha pequena investigación sobre a súa vida e obra.

Mgritte foi un pintor surrealista B¡belga que destacou por transformar os obxectos cotiáns en algo sorprendente, facendo que quen observa os seus cadros vexa unha mistura entre o real e o imaxinario.

Aquí vos deixamos as presentacións que fixemos:

René Magritte (Vera, Antonella e Aarón) de Vera

René Magritte (Enzo, Nelson e Xurxo) de Xurxocabado

René Magritte (Pedro, Daniela e Gael) de Pedro Muñoz

René Magritte (Aine, Marina e Bruna) de Marina

René Magritte (Xavi, Thiago e Hugo) de Hugo

René Magritte (Mathías, Martín e Gerald) de Alanrojas

Minutos de ouro II

 Na segunda xornada dos minutos de ouro escoitamos a Antonella falar sobre os signos do zodíaco e a Aarón, sobre o skate.

“Mariquiñas de papel”: repensando os estereotipos

 Esta mañá vivimos na aula un taller moi interesante titulado “Mariquiñas de papel”, organizado pola asociación Visibles e impartido por unha nutricionista convidada. A través desta actividade reflexionamos sobre os estereotipos corporais de xénero, os patróns de conduta que temos en consecuencia as persoas e a influencia das redes sociais e da publicidade na forma en que nos vemos e nos presentamos ante os demais.

Durante a sesión analizamos como, moitas veces, as imaxes e mensaxes que recibimos nos condicionan sen decatarnos, marcando o que “debería” gustarnos ou como “deberíamos” ser segundo o noso xénero. Falamos de como é importante coidar o que consumimos tamén a nivel emocional, aprender a mirar con ollos críticos e a valorar a diversidade real que nos rodea.

Para rematar o taller, puxémonos mans á obra e creamos as nosas propias “mariquiñas de papel”, personaxes únicos feitos por nós. Cada un e cada unha vestiunos, elixiulles un nome, un segredo, unha afección e mesmo un superpoder, representando así a liberdade de ser e expresarse sen límites nin etiquetas.

Foi unha experiencia moi enriquecedora e divertida, que nos axudou a pensar, crear e compartir dende o respecto e a imaxinación.

Comezamos cos “Minutos de Ouro”

 Esta semana puxemos en marcha unha nova actividade na aula: os “Minutos de Ouro”. Trátase dun espazo semanal no que, cada venres, dous compañeiros ou compañeiras terán a oportunidade de facer pequenas exposicións orais sobre temas que lles resulten interesantes ou importantes.

O obxectivo desta iniciativa é mellorar a expresión oral, perder o medo a falar en público e compartir coñecementos e inquedanzas co resto da clase. Cada intervención durará uns minutos, nos que a persoa encargada poderá explicar, mostrar ou contar algo que lle apaixone: un libro, un deporte, unha curiosidade científica, unha tradición, unha experiencia persoal… todo vale!

Enzo, falándonos sobre o fútbol, e Thiago, sobre os videoxogos, foron os encargados de romper o xeo e poñer en marcha esta dinámica.

Benvid@s a bordo!

Comezamos un novo curso cheo de ilusións, retos e aventuras. Estes primeiros días servíronnos para reencontrarnos, compartir como nos sentimos e descubrir que, durante o verán, todos e todas cambiamos un pouquiño: algunhas persoas medraron en altura, outras descubriron novas afeccións, e tamén aprendemos cousas sobre nós mesmos que nos fan sentir máis seguros e preparados para esta etapa.

Este ano o noso proxecto de centro xirará arredor do mar, un tema que nos acompañará en moitas das actividades e aprendizaxes. Para ir entrando en materia, puxémonos a proba cun desafío en equipo: tiñamos que imaxinar que quedabamos nunha illa deserta e decidir, xuntos, que obxectos levar. Despois, tivemos que redactar un plan para sobrevivir durante 24 horas con eses obxectos, sabendo que algúns podían ter consecuencias positivas… e outros non tanto.

Foi unha experiencia divertida e chea de risas, pero tamén aprendemos a escoitar aos demais, chegar a acordos, e valorar a importancia de colaborar en grupo.

Non teñades dúbidas á hora de imaxinar todo o que nos espera este curso: aprendizaxes, proxectos creativos, novas amizades e, sobre todo, moitas ganas de navegar xuntos/as por este último curso no CEIP Sada y sus Contornos.🌟 

Benvidos a bordo!

VISITA IES

 Hoxe foi un día especial e diferente. Achégase o momento de cambiar de rumbo e comezar unha nova etapa.

Así pois, visitamos o noso próximo destino: O IES Isaac Díaz Pardo.

Aniversario Pelayo

 

Dado que o noso compañeiro Pelayo estará de aniversario no mes de xullo e non poderemos celebralo na aula, facemos esta mención adiantada.

FELICIDADES!!

Sesión Sensibilización Acoso Escolar

 Na aula de 6º estivemos a abordar novamente a temática do Acoso Escolar dada a súa relevancia.

Ante a nova etapa que comezará este alumnado consideramos imprescindible que saiban recoñecelo e as pautas que deben seguir para actuar. 

Sodes a parte máis importante da SOLUCIÓN.

Circuito Seguridade Vial

 Continuamos a nosa formación de seguridade vial da man da DGT, esta vez a través dun circuito no que actuamos como conductores e aprendemos sobre as normas máis importantes que debemos cumplir. 

Facede clic sobre a seguinte imaxe e poderedes acceder a máis fotos. 

Aniversario Daniela

 

Hoxe felicitamos a Daniela, a nosa compañeira máis artística e creativa.

Agardamos disfrutes moitísimo do teu día!

PARABÉNS!

ANIVERSARIO DANTE

 

Hoxe é o turno de Dante, o seu día. 

Un ano máis para disfrutar e gozar da vida.

Desexámoste o mellor amigo!

Gañadores XabaConcurso

NORABOA AOS GAÑADORES DO XABACONCURSO. FIXÉCHEDES UN MOI BO TRABALLO.

Facede Clic Sobre Freezer e gozade do seu anuncio as gañadores. 

 

VISITA SARGADELOS

Hoxe realizamos á visita á planta de producción de sargadelos e puidemos tamén gozar das obras do Museo Carlos Maside. 

A mestra tivo un percance tecnolóxico co seu teléfono móvil e moitas das fotos da visita perdéronse. Sentimos moito non poder amosar todo o que fixemos.