O 6 de outubro conmemórase o Día Mundial da Parálise Cerebral, e no noso centro sumámonos á iniciativa promovida por ASPACE, coa que colaboramos nun acto durante o día de hoxe cheo de aprendizaxe.
Durante a xornada, os usuarios e usuarias de ASPACE compartiron connosco as barreiras coas que se atopan no seu día a día, tanto físicas como sociais. Con isto fixéronnos reflexionar sobre a importancia de construír unha sociedade máis inclusiva, onde todas as persoas teñamos as mesmas oportunidades.
Inspirados pola súa mensaxe, escribimos mensaxes reivindicativas e de apoio sobre un timbre.
O acto continuou coa lectura dos manifestos por parte das autoridades, e a continuación realizamos todos xuntos unha “timbrada” colectiva, facendo soar campás e timbres como símbolo de unión e visibilidade.
Foi unha experiencia moi enriquecedora, que nos axudou a poñernos no lugar das persoas con parálise cerebral e a entender mellor o valor da inclusión.
Porque xa toca escoitar, comprender e actuar.
Comentarios
Publicar un comentario